स्वातंत्र्य दिन समारंभ 3 ऑगस्ट रोजी पूर्व तयारी आढावा बैठकीचे आयोजन

        जळगाव.दि.30:- भारतीय स्वातंत्र्य दिनाचा 72 वा वर्धापन दिन समारंभ 15 ऑगस्ट 2019 रोजी साजरा करण्यात येणार आहे. स्वातंत्र्य दिन समारंभ साजरा करण्यासंदर्भात सर्व संबंधित यंत्रणांशी चर्चा करण्यासाठी जिल्हाधिकारी कार्यालयात दिनांक 3 ऑगस्ट 2019 रोजी दुपारी 3.00 वाजता बैठकीचे आयोजन करण्यात आले आहे.

           तरी सर्व संबंधितांनी याची नोंद घ्यावी, असे जिल्हाधिकारी डॉ.अविनाश ढाकणे यांनी एका प्रसिद्धी पत्रकान्वये कळविले आहे.

                                                             *******

वाहनांच्या मागील बाजूस रियर मार्किंग प्लेट / टेप लावणे 1 ऑगस्ट पासून अनिवार्य -- उप प्रादेशिक परिवहन अधिकारी

            जळगाव.दि.30:- परिवहन संवर्गातील सर्व वाहने तसेच ट्रेलर्स यांना केंद्रीय मोटार वाहन नियम 1989 च्या नियम 104 ते 104-डी च्या तरतुदीनुसार AIS089 व पैकी 090 मानकांची पूर्तता करणारे मान्यताप्राप्त परावर्तक (Reflectors), रिफ्लेक्टीव्ह टेप्स (Reflective Tapes) आणि मागील बाजूस रियर मार्किंग प्लेट/टेप लावणेबाबत अपर परिवहन आयुक्त, मुंबई यांचे आदेशानुसार.

       जळगाव जिल्ह्यातील सर्व वाहन धारक, वाहन प्रतिनीधी यांनी 1 ऑगस्ट पासून उप प्रादेशिक परिवहन कार्यालय, जळगाव येथे नवीन नोंदणी होणाऱ्या परिवहन संवर्गातील वाहने तसेच नवीन योग्यता प्रमाणपत्र /योग्यता प्रमाणपत्र नूतनीकरण करण्यासाठी येणाऱ्या वाहन धारकांनी व ट्रेलर्स वाहन धारकांनी त्यांच्या वाहनांना वर दृष्टीपथास दिसावेत तसेच नमूद मनकांचे उत्पादने केंद्रीय मोटार वाहन नियम 1989 च्या नियम 126 मध्ये नमूद चाचणी संस्थांपैकी कोणत्याही एका संस्थेंद्वारे तपासणी प्रमाणपत्र (Test Certificate) तसेच मान्यताप्राप्त परावर्तक (Refiectors), रिफ्लेक्टीव्ह टेप्स (Reflective Tapes) हे उत्पादनाचे Continuity Of Production प्रमाणपत्र प्राप्त असणारे व दोन्हीही प्रमाणपत्रे वैध असणे आवश्यक आहे. तसेच MIS प्रणाली मार्फत जारी करण्यात आलेलेच लावणे अनिवार्य राहील याबाबतची नोंद घ्यावी,असे  उप प्रादेशिक परिवहन अधिकारी,जळगाव यांनी एका प्रसिद्धी पत्रकान्वये कळविले नाही.

                                                                *****

10 व 12 वी परीक्षेस 17 नंबर फॉर्म भरून परिक्षेस प्रविष्ठ होणाऱ्यांनी 24 ऑगस्टपर्यंत ऑनलाईन अर्ज करावेत

        जळगाव.दि.30:- महाराष्ट्र राज्य माध्यमिक व उच्च माध्यमिक शिक्षण मंडळामार्फत शालांत प्रमाणपत्र व उच्च माध्यमिक प्रमाणपत्र परीक्षा फेब्रुवारी-मार्च 2020 साठी ज्या  विद्यार्थ्याना खाजगीरित्या फॉर्म नं. 17 भरून परिक्षेसाठी प्रविष्ट व्हावयाचे असेल त्या विद्यार्थ्यांनी दि.24 ऑगस्ट 2019 पर्यंत ऑनलाईन पद्धतीने अर्ज भरावयाचे आहेत. ऑनलाईन भरलेले अर्जाची प्रिंट काढून दिनांक 26 ऑगस्ट पर्यंत संबंधित शाळा/कनिष्ठ महाविद्यालयाकडे जमा करवेत. प्रत्येक विद्यार्थ्याने ऑनलाईन अर्ज भरण्यासाठी संकेतस्थळांचा वापर करावा.

          अर्ज भरण्यासाठी संकेतस्थळावर मराठी / इंग्रजी मधून उपलब्ध आहेत. त्यांचे काळजीपूर्वक वाचन करून सुरूवात करावी. संकेतस्थळ www.sssboardnashik.com  इयत्ता 10 वीसाठीचे माहिती पत्रक यावर मिळतील तसेच ऑनलाईन अर्ज भरण्यासाठी http://form17.mh-ssc.ac.in तर इयत्ता 12 वीसाठी http://form17.mh-hsc.ac.in  या संकेत स्थळांवरून भरता येईल.

         विद्यार्थ्याने अर्ज भरण्यासाठी शाळा सोडल्याचा दाखला, मुळ प्रत नसल्यास द्वितीय प्रत व प्रतिज्ञापत्र, आधारकार्ड, स्वत:चा पासपोर्ट आकारातील फोटो स्वत:जवळ ठेवावा. ऑनलाईन अर्ज भरताना सदर कागदपत्रे स्कॅन करण्यासाठी विद्यार्थ्यांनी स्कॅनर / मोबाईलद्वारे कागदपत्रांचे फोटो काढून ते अपलोड करावेत विद्यार्थ्यांचा मोबाईल क्रमांक व ई-मेल आयडी पुढील संपर्कासाठी अनिवार्य आहे.

           संपूर्ण अर्ज भरून झाल्यावर भरलेल्या अर्जांची प्रत विद्यार्थ्याला त्याने अर्जात नमुद केलेल्या ई-मेलवर पाठविली जाणार आहे. विद्यार्थ्यांनी अर्ज विहित शुल्क व मुळ कागदपत्रे नावनोंदणी अर्जावर नमूद केलेल्या शाळा /कनिष्ठ महाविद्यालयामध्ये विहित मुदतीत जमा करावयाची आहेत.  फार्म क्रमांक 17 भरून खाजगीरित्या परिक्षेस प्रविष्ठ होणाऱ्या इयत्ता 10 वीच्या विद्यार्थ्यांसाठी एक हजार रुपये नोंदणी शुल्क आणि शंभर रुपये प्रक्रीया शुल्क असे एकूणे 1 हजार 100 रुपये तर इयत्ता 12 वीच्या विद्यार्थ्यांसाठी नोंदणी शुल्क 500 रुपये व प्रक्रीया शुल्कसाठी 100 रुपये असे एकूण 600  एवढा शुल्क लागेल.

              तरी सर्व संबंधित विद्यार्थ्यांनी  याची नोंद घ्यावी, असे विभागीय सचिव, महाराष्ट्र राज्य माध्यमिक व उच्च माध्यमिक शिक्षण मंडळ, नाशिक विभागीय मंडळ, नाशिक यांनी एका प्रसिद्धी पत्रकान्वये कळविले आहे. 

                                                         ******

जिल्हास्तरीय लोकशाही दिनाचे 5 ऑगस्ट रोजी आयोजन

      जळगाव दि.30 :- प्रत्येक महिन्याच्या पहिल्या सोमवारी जिल्हा प्रशासनाकडे जिल्हास्तरीय लोकशाही दिनाचे आयोजन केले जाते. माहे ऑगस्ट 2019 महिन्याचा जिल्हास्तरीय लोकशाही  दिन दि. 5 ऑगस्ट 2019 रोजी आयोजित केलेला आहे.

            माहे ऑगस्ट 2019 या महिन्यात महिला सोमवार दिनांक 5 ऑगस्ट रोजी असल्याने त्या दिवशी नियोजन हॉल, जिल्हाधिकारी कार्यायल, जळगाव येथे लोकशाही दिनाचे आयोजन दुपारी 3.00 वाजता करण्यात आले आहे.

         तरी जिल्ह्यातील नागरिकांनी याची नोंद घ्यावी, असे आवाहन जिल्हाधिकारी डॉ.अविनाश ढाकणे यांनी एका प्रसिद्धी पत्रकान्वये केले आहे.

                                                         *****

प्रि-मॅट्रीक शिष्यवृत्तीसाठी 15 ऑक्टोंबरपर्यंत अर्ज सादर करावेत .. माध्यमिक शिक्षणाधिकारी

       जळगाव.दि.30 :- अल्पसंख्यांक समाजाच्या कल्याणासाठी प्रधानमंत्री 15 कलमी कार्यक्रमानुसार 2019-2020 या शैक्षणिक वर्षासाठी अल्पसंख्यांक समाजातील गुणवत्ता धारक विद्यार्थ्यांसाठी प्रि-मॅट्रीक शिष्यवृत्ती योजनेचे ऑनलाईन अर्ज भरण्याची प्रक्रीया सुरू झाली आहे.

            शैक्षणिक वर्ष 2019-2020 साठी अल्पसंख्यांक समाजातील विद्यार्थ्यांचे शिष्यवृत्ती अर्ज केंद्र शासनाच्या www.scholarships.gov.in या संकेतस्थळावर केवळ ऑनलाईन भरावयाचे आहेत. सन 2019-20 या वर्षी ज्या विद्यार्थ्यांची शिष्यवृत्तीसाठी निवड झाली आहे अशा सर्व विद्यार्थ्यांचे अर्ज रिनीवल स्टुडंट म्हणून भरावयाचे आहेत. तसेच नवीन विद्यार्थ्यांचे अर्ज फ्रेश स्टुडंट म्हणून भरावयाचे आहेत.

            प्रि-मॅट्रीक शिष्यवृत्ती नवीन विद्यार्थी (फ्रेश स्टुडंट ) व नुतनीकरण विद्यार्थी (रिनीवल स्टुडंट) यांचे ऑनलाईन अर्ज भरावयाची अंतिम मुदत 15 ऑक्टोंबर 2019 पर्यंत असून याबाबत काही तांत्रिक अडचणी आल्यास  माध्यमिक शिक्षण विभागातील श्री.आर.एल.माळी यांच्या 9881381780 या भ्रमणध्वनीवर तसेच प्राथमिक शिक्षण विभागाचे शेख साकीब यांच्या 959552056 या भ्रमणध्वनीवर संपर्क साधावा.

           शिष्यवृत्ती मिळण्यास पात्र असणाऱ्या सर्व विद्यार्थ्यांचे अर्ज ऑनलाईन भरण्याची जबाबदारी संबंधित शाळांच्या मुख्याध्यापकांची आहे. तशा सर्व संबंधित मुख्याध्यापकांना सूचना देण्यात आलेल्या आहेत. एकही पात्र विद्यार्थी शिष्यवृत्ती पासून वंचित राहणार नाही याची संबंधितांनी दक्षता घ्यावी. असे शिक्षणाधिकारी (माध्यमिक) जिल्हा परिषद, जळगाव यांनी एका प्रसिद्धी पत्रकान्वये कळविले आहे.

                                                          *****