कपाशी पिकावरील बोंड अळी नियंत्रणासाठी मार्गदर्शन सूचना

     जळगाव, दि. 11-  श्री. विजय घावटे संचालक ( विस्तार व प्रशिक्षण ) यांनी दि. 7 व 8 सप्टेंबर 2018 रोजी जळगाव जिल्हयातील जामनेर व चोपडा तालुक्यातील केलेल्या कपाशी पिकाच्या पाहणीच्या आधारे खालील उपाय योजना सूचवलेल्या आहेत.

    क्रॉपसॅप योजनेतर्गत निश्चित प्लॉट, मास ट्रॅपिंग प्लाटमधील बसविलेले फेरोमॅनट्रॅप व्यवस्थीत काडीला बांधुन घ्यावीत व ट्रॅपची प्लॉस्टीक पिशवी काडीला बाधांवी जेणेकरुन हवेने उडणार नाही तसेच कपाशीच्या उंची नुसार ट्रॅपची उंची वाढवावी व त्या मधील लुरचा कालावधी संपलेला असेल तर तात्काळ लुर बदलविण्याबाबत शेतक-यांना सांगावे.

कपाशी पिकावर लाल्या रोगाचा प्रार्दुभाव दिसुन येत आहे. त्यासाठी 1.5 कि.ग्रॅम युरिया, 1.5 कि. ग्रॅम ङिए.पी 100 लिटर पाण्यामध्ये मिसळुन पिकावर फवारणी करावी.  जमिनीतुन पिकाला होणारा अन्नद्रव्ये पुरवठा थांबल्यामुळे फवारणी व्दारे 19.19.19 खते 100 ग्रॅम, मॅग्नेशिअम सल्फेट 100 ग्रॅम व युरीया 50 ग्रॅम लिटर पाण्यात मिसळुन फवारणी करावी. मास ट्रॅपींगच्या निवडलेल्या गावांत कपाशी पिकामध्ये 120 दिवसानंतर ट्रायकोकार्डस ( 1.5 लाख अंडी प्रती हे.) लावावीत ही कार्यवाही कृषि सहाय्यक यांनी स्वत: उपस्थिती राहून करुन घ्यावी. कपाशी पिक 120 ते 130 दिवसानंतर शेंदरी बोंडअळीचे पतंग पुन्हा अंडी घालण्यास सुरुवात करतील त्याच्या नियंत्रणासाठी लॅम्डा सायहेलोथ्रीन 10 मिली प्रती 10 लिटर पाण्यात मिसळून फवारणी करावी. पिकावर फवारणी करताना शेतक-यांना वापरावयाचे संरक्षित किट (हात मोजे, गॉगल, ॲप्रॉन) याबाबत सविस्तर मार्गदर्शन करावे. रस शोषण करणा-या किडीच्या नियंत्रणासाठी जैविक किटकनाशक व्हर्टीसिलीयम लॅक्यानी 50 ग्रॅम प्रती 15 लिटर पाण्यात मिसळुन फवारणर करावी. सदरील बुरशी नाशक कृषि विभागाच्या जैविक प्रयोगशाळा ममुराबाद या ठिकाणी रु. 148/- या दराने उपलब्ध आहेत. तरी याबाबत तालुका स्तरावर प्रचार प्रसिध्दी दयावी. कृषि सेवा केंद्र यांनी किटकनाशक हाताळणे बाबत शेतक-यांना मार्गदर्शन करावीत. व दुकानासमोर तशा प्रकारचे सुचना फलक, बिलाच्या मागे फवारणीकरताना घ्यावायाची काळजी याबाबत लिहीण्यासाठी आपले स्थरावरुन अमंलबाजावणी करावी. कृषि विद्यापीठ यांच्यामार्फत प्रकाशित करण्यात आलेले कृषि संदेश गावागावात कृषि सहाय्यकामार्फत कृषि वार्ता फलकावर लिहणे आवश्यक आहे.

व जंबो झेरॉक्स गावामध्ये लावावित. शेतक-यांनी फवारणी करताना शेतमजुरास संरक्षित किट पुरविणे गरजेचे आहे. व तसे आढळून आल्यास त्या शेतक-यास आपल्या स्तरावरुन नोटीस दयावी . असे कृषि उपसंचालक जिल्हा अधिक्षक कृषि अधिकारी जळगाव यांनी एका प्रसिध्दी पत्रकान्वे केले आहे.

०००