अनुसुचित जाती व नवबौध्द समाजातील सुशिक्षित बेरोजगार तरुणांनी विनामुल्य प्रशिक्षणासाठी 26 नोव्हेंबर रोजी उपस्थित रहावे

             जळगाव, दि.14:- सामाजिक न्याय व विशेष सहाय्य विभाग, मंत्रालय, मुंबई यांच्या अधिनस्त कार्यरत महात्मा फुले मागासवर्ग विकास महामंडळ मर्या. जळगाव यांच्यामार्फत सन 2018-19 या वर्षाकरिता अनुसुचित जाती व नवबौद्ध समाजातील लोकांच्या आर्थिक विकासासाठी प्रशिक्षण योजना राबविण्यात येत आहे. याकरीता अनुसुचित जाती व नवबौद्ध समाजातील सुशिक्षित बेरोजगार तरुणांकडुन विनामुल्य प्रशिक्षणासाठी अर्ज मागविण्यात येत आहेत.

            इच्छुक उमेदवारांनी आवश्यक  कागदपत्रांसह दिनांक 26 नोव्हेंबर 2018 रोजी सकाळी 11 ते सायं 5 वाजता या दरम्यान खालील कागदपत्रांसह कार्यालयात उपस्थित रहावे.

आवश्यक कागदपत्रे

            पासपोर्ट आकाराचे 2 फोटो, शाळा सोडल्याचा दाखला, मार्कशिट, आधार कार्ड/ पॅन कार्ड/ मतदान कार्ड/ रेशनकार्ड, उत्पन्नाचा दाखला, जातीचा दाखला, अर्जदार कमीत कमी 10 वी पास असावा. असे के. व्ही. लोहकरे, जिल्हा व्यवस्थापक, महात्मा फुले मागासवर्ग विकास महामंडळ, जळगाव यांनी एका प्रसिद्धी पत्रकाद्वारे कळविले आहे.

०००