आस्थापनांनी मनुष्यबळाचे त्रैमासिक विवरणपत्र भरण्याचे आवाहन

 जळगाव, दिनांक 8 एप्रिल, 2024 (जिमाका) :

सार्वजनिक क्षेत्रातील केंद्र शासन व राज्य शासनाच्या अधिपत्याखालील सर्व कार्यालये, निमशासकीय कार्यालये, महामंडळे, सर्व स्थानिक स्वराज्य संस्था तसेच खाजगी क्षेत्रातील आस्थापना, उद्योग, व्यापार, व्यावसायिक, कारखाने, कंपनी इ. यांनी त्यांच्याकडील माहे 1 जानेवारी ते 31 मार्च, 2024 या कालावधीचे कार्यरत मनुष्यबळाचे त्रैमासिक विवरणपत्र (ई-आर-1) 30 एप्रिल, 2024 पर्यंत कौशल्य विकास, रोजगार व उद्योजकता आयुक्तालयाच्या www.mahaswayam.gov.in या संकेतस्थळावर ऑनलाइन पध्दतीने सादर करावे, असे  रोजगार व उद्योजकता मार्गदर्शन केंद्राचे सहायक आयुक्त वि. रा. रिसे यांनी कळविले आहे.

 सेवायोजन कार्यालये (रिक्तपदे सक्तीने अधिसूचित करणारा) कायदा, १९५९ व नियमावली, १९६० अन्वये त्रैमासिक विवरणपत्र भरणे बंधनकारक आहे. या अनुषंगाने संकेतस्थळावरील रोजगार या ऑप्शनमधील नियोक्ते वर क्लिक करुन आपल्या युझर आयडी व पासवर्डच्या सहाय्याने माहिती भरावयाची आहे. याबाबत काही अडचण असल्यास कार्यालयीन वेळेत दूरध्वनी क्रमांक ०२५७-२९५९७९० वर संपर्क साधावा. यात कसूर झाल्यास आणि आस्थापना दोषी आढळल्यास कायदेशीर कारवाई होऊ शकते. असेही रिसे यांनी प्रसिध्दी पत्रकात म्हटले आहे.

                                                  0 0 0 0 0 0