शेतकरी बांधवांनी खते खरेदी करतांना विक्रेत्यांकडुन पक्के बिल घ्यावे

            जळगाव, दि. 16 (जिमाका वृत्तसेवा) : - मे. महाविर कृषि केंद्र, घाटरोड चाळीसगाव येथे 18:18:10 या ग्रेड नमुद असलेल्या बेकायदेशीर बोगस  खताच्या 500 गोण्या दिनांक 11 जून, 2020 रोजी मेहुणबारे येथील शेतातील गोडाऊन व पत्राच्या शेडमधुन तीच ग्रेड नमुद असलेल्या 200 गोण्या असे एकूण 700 गोण्या कृषि विभागाच्या गुणवत्ता नियंत्रण अधिका-यांनी सापळा रचुन धडक कार्यवाही करुन जप्त केले  आहे. याबाबत चाळीसगाव शहर व मेहुणबारे पोलीस स्टेशन येथे संबधीतांविरुध्द गुन्हा दाखल करण्यात आला असुन मे. महाविर कृषि केंद्र, घाटरोड, चाळीसगाव यांचा किरकोळ व घाऊक खत विक्री परवाना व मे. रुपेश कृषि केंद्र, चिंचगव्हाण  ता. चाळीसगाव यांचा खत परवाना रद्द करण्यात आला आहे.

            यामुळे बोगस खते विक्री करणा-या विक्रेत्यांना चपराक बसली असुन शेतकरी बांधवांनी 18:18:10 व इतर तत्सम खते खरेदी करतांना अधिकृत विक्रेत्यांकडुन पक्के बिल घ्यावे व बिलावर कंपनीचे नांव, पत्ता व इतर सर्व बाबींचे रकाने भरलेले असल्याची खात्री करुन खत खरेदी करावे. असे आवाहन जिल्हा अधिक्षक कृषि अधिकारी  संभाजी ठाकूर यांनी एका प्रसिध्दी पत्रकान्वये केले आहे.

00000