मानसी पाटीलचे पालकमंत्र्यांकडून अभिनंदन

            जळगाव, दिनांक 27- राज्यसेवेच्या परीक्षेत राज्यात मुलींमध्ये दुसऱ्या क्रमांकाने उत्तीर्ण झालेल्या जळगाव येथील मानसी सुरेश पाटील हिचे राज्याचे पाणीपुरवठा व स्वच्छता मंत्री तथा जिल्ह्याचे पालकमंत्री ना.  गुलाबराव पाटील यांनी तिच्या घरी जाऊन पुष्पगुच्छ देऊन अभिनंदन केले.

            येथील निवृत्ती नगरात राहणारी मानसी सुरेश पाटील ही राज्यसेवा 2019 च्या परीक्षेत उत्तीर्ण झाली असून तीने राज्यात मुलींमध्ये दुसरा क्रमांक पटकावला आहे.

            मानसीची उपजिल्हाधिकारी पदी निवड झाली आहे. याबद्दल तिचे सर्वत्र कौतुक होत आहे

            मानसी ही विद्यानिकेतन शाळेचे  सुरेश पाटील यांची कन्या आहे. तिच्या या यशाबद्दल आज पालकमंत्री गुलाबराव पाटील यांनी तीच्या घरी जाऊन कौतुक केले. जळगाववासियांना तुझा अभिमान असल्याचे गौरवोद्गार काढले, त्याचबरोबर तिला पुढील सेवेसाठी सदिच्छा व्यक्त केल्या. यावेळी तीचे वडिल सुरेश पाटील, आई, भाऊ व नातेवाईक उपस्थित होते.

                                                                          00000