जळगाव, दि. 7 (जिमाका वृत्तसेवा) - जिल्हा कौशल्य विकास रोजगार व उद्योजकता मार्गदर्शन केंद्र, बीटीआरआय, आणि जिल्हा व्यवसाय शिक्षण व प्रशिक्षण कार्यालय, जळगाव यांचे संयुक्त विद्यमाने दि. 14 ते 16 ऑक्टोबर, 2020 या कालावधीत कोविड विषाणूचा प्रादुर्भाव लक्षात घेता ऑनलाईन पध्दतीने पंडित दीनदयाळ उपाध्याय रोजगार मेळाव्याचे (अल्पसंख्यांक उमेदवारांकरीता) आयोजन करण्यात आले आहे. उमेदवारांनी www.mahaswayam.gov.in या संकेतस्थळाला भेट द्यावी किंवा प्लेस्टोअरमधून mahaswayam ॲप्लीकेशन मोफत डाऊनलोड करुन इन्स्टॉल करावे. अशी आवाहन श्रीमती अनिसा तडवी, सहाय्यक आयुक्त, कौशल्य विकास, रोजगार व उद्योजकता मार्गदर्शन केंद्र, जळगाव यांनी एका प्रसिध्दी पत्रकान्वये केले आहे.
उद्योजकांनी रिक्त पदांची माहिती कळविण्याचे आवाहन
या मेळाव्यात सहभागी होऊ ईच्छिणा-या उद्योजकांनी ऑनलाईन www.mahaswayam.gov.in या संकेतस्थळाला भेट द्यावी. किंवा प्लेस्टोअरमधून महास्वयंम ॲप्लीकेशन मोफत डाऊनलोड करुन इन्स्टॉल करावे. Employment या होम पेजवर Employer यावर क्लिक करुन युझरआयडी व पासवर्डने साईनइन/लॉगईन करावे, आपल्या होमपेज वरील पंडित दीनदयाल उपाध्याय जॉबफेयर हा पर्याय निवडा, जळगाव जिल्हा निवडा व फिल्टर बटनावर क्लिक करा, रोजगार मेळाव्यात सहभागी होण्यासाठी ॲग्री ॲण्ड पोस्ट व्हॅकेन्सी या पर्यायावर क्लिक करावे, ॲण्ड न्यू व्हॅकेन्सी हा पर्याय निवडून भरावयाची रिक्तपदे, शैक्षणिक पात्रता आणि वयाची अट दर्शवून माहिती नोंदवावी
याबाबत काही अडचण असल्यास कार्यालयीन वेळेत 0257-2239605 या दूरध्वनी क्रमांकावर संपर्क साधावा. या सुवर्णसंधीचा जिल्ह्यातील जास्तीत जास्त उमेदवारांनी व उद्योजकांनी लाभ घ्यावा, असे आवाहन श्रीमती अनिसा तडवी, सहाय्यक आयुक्त, कौशल्य विकास, रोजगार व उद्योजकता मार्गदर्शन केंद्र, जळगाव यांनी एका प्रसिध्दी पत्रकान्वये केले आहे. 00000
No comments:
Post a Comment