१३ ऑक्टोंबर रोजी पेंशन अदालतीचे आयोजन

       जळगाव, दि.१२ (जिमाका वृत्तसेवा) :-   शासनातील निवृत्त कर्मचारी यांच्यासाठी जिल्हाधिकारी कार्यालयाच्या आवारातील अल्पबचत सभागृह येथे  १३ ऑक्टोंबर  रोजी सकाळी  ११ वाजेपासून पेंशन अदालतचे आयोजन करण्यात आले आहे.

          प्रधान महालेखाकार कार्यालय (लेखा व हकदारी), महाराष्ट्र-१, मुंबईचे अधिकारी जिल्हाधिकारी कार्यालयाच्या आवारातील अल्पबचत सभागृह येथे निवृत्तीवेतन संबंधित समस्या आणि मागण्यांचे निराकरण करण्यासाठी उपस्थित राहतील. प्रधान महालेखाकार (लेखा व हकदारी), महाराष्ट्र-१, (मुंबई) कार्यालयाने पेंशनरांच्या सोईकरिता अनेक उपक्रम राबविले आहेत, जसे साप्ताहिक ऑनलाईन पेंशन संवाद, २४ तास उपलब्ध टोल फ्री नं.१८००-२२-००१४ / २४*७ व्हॉईस मेल नं.०२०-७११७७७७५, माहिती वाहिनी, पेंशन  सेवापत्र आणि जीपीएफ सेवापत्र पेंशनर्स करीता समर्पित ई-मेल  ‘helpdesk.mh1ae@cag.gov.in  या उपक्रमांची माहिती देण्यात येईल.

          सर्व निवृत्तीधारकांनी या अदालत मध्ये सहभागी होऊन या संधीचा फायदा घ्यावा, असे आवाहन जिल्हा कोषागार अधिकारी जळगाव यांनी एका प्रसिध्दीस दिलेल्या पत्रकान्वये कळविले आहे.

000000