जळगाव, दि. 3 (जिमाका वृत्तसेवा) :- अनुसूचित जमातीच्या विद्यार्थ्यांना शहरातील नामांकित इंग्रजी माध्यमाच्या शाळांमध्ये इयत्त 1 ली व 2 रीच्या वर्गात प्रवेशित होणाऱ्या विद्यार्थ्यांना सन 2022-2023 या शैक्षणिक वर्षात प्रवेश देण्याची योजना आदिवासी विकास विभागामार्फत राबविण्यात येत आहे. इंग्रजी माध्यमाच्या निवासी शाळेत इयत्ता 1 ली व 2 रीत प्रवेश घेवू इच्छिणारा विद्यार्थी हा अनुसूचित जमातीचा असावा, त्यासाठी संबंधित विद्यार्थ्याला त्याचे किंवा त्याच्या पालकांचे सक्षम अधिकाऱ्याने दिलेले अनुसूचित जमातीचे प्रमाणपत्र असणे आवश्यक आहे. विद्यार्थ्याच्या पालकाचे वार्षिक उत्पन्न 1 लाख किंवा त्यापेक्षा कमी असावे, इयत्ता 1 ली साठी प्रवेश घेवू इच्छिणाऱ्या विद्यार्थ्याचे वय 31 डिसेंबर 2022 रोजी 6 वर्षे पुर्ण असावे. त्यानुसार त्याचा जन्म 1 ऑक्टोंबर 2015 ते 31 डिसेंबर 2016 दरम्यानचा असावा. तर इयत्ता 2 रीच्या वर्गात प्रवेशासाठी विद्यार्थीने 2021-2022 या शैक्षणिक वर्षामध्ये इयत्ता 1 ली मध्ये शाळेत प्रवेशित असल्याबाबतचे बोनाफाईड अर्जासोबत जोडणे आवश्यक आहे.
विद्यार्थ्याचे आधार कार्ड
असणे आवश्यक असून विद्यार्थ्याचे वैद्यकीय प्रमाणपत्र, पालक शासकीय/निमशासकीय
सेवेत नसावा. तरी या योजनेंतर्गत ज्या पालकांना आपल्या पाल्यास इंग्रजी माध्यमांच्या
निवासी शाळेत 1 ली च्या वर्गात प्रवेश घ्यावयाचा आहे अशा पालकांनी प्रकल्प अधिकारी
एकात्मिक आदिवासी विकास प्रकल्प, यावल जि.जळगाव येथे प्रत्यक्ष पाल्याचा जन्म
दाखला व आधार कार्ड साक्षांकित प्रत सादर केल्यांनंतर प्रवेश अर्ज 3 फेब्रुवारी
2022 ते 11 मार्च, 2022 या दरम्यान वाटप केले जाणार असून परीपूर्ण भरलेला
अर्ज 15 मार्च 2022 पूर्वी सादर करावा.
इयत्ता 1 ली व 2 रीच्या
प्रवेशासाठी कागदपत्रांची पडताळणीसाठी चोपडा, अमळनेर, एरंडोल, धरणगाव, जळगाव, तालुक्यातील
पालकांनी व पाल्यांनी 22 मार्च 2022 रोजी बालमोहन विद्यालय, चोपडा शिव कॉलनी
शिरपुर रोड, चोपडा येथे उपस्थित रहावे. तर रावेर, यावल, मुक्ताईनगर, जामनेर,
बोदवड, भुसावळ, चाळीसगाव, पाचोरा, भडगाव या तालुक्यातील पालकांनी व पाल्यांनी 23
मार्च 2022 रोजी शासकीय आश्रमशाळा, डोंगरकठोरा ता.यावल येथे उपस्थित रहावे. असे
आवाहन प्रकल्प अधिकारी, एकात्मिक आदिवासी विकास प्रकल्प, यावल जि.जळगाव यांनी एका
प्रसिद्धी पत्रकान्वये कळविले आहे.
No comments:
Post a Comment