राष्ट्रीय मतदार जागृती स्पर्धा विविध स्पर्धेचे आयोजन १५ मार्च पर्यंत सविस्तर माहिती संकेतस्थळावर उपलब्ध

      जळगाव, दि.१६ (जिमाका वृत्तसेवा) : भारत निवडणूक आयोगाने राष्ट्रीय मतदार दिना पासून 15 मार्च, 2022 पर्यंत “ माझे मत माझे भविष्य- एका मताचे सामर्थ्य ” ही राष्ट्रीय मतदार जागृती स्पर्धा आयोजित केली आहे. याव्दारे जनतेच्या प्रतिभा आणि सर्जनशीलतेचा वापर लोकशाही बळकटीकरणासाठी करण्यात येत आहे. “ माझे मत माझे भविष्य- एका मताचे सामर्थ्य ” या मध्यवर्ती संकल्पनेवर राष्ट्रीय स्तरावरील या स्पर्धेत प्रश्नमंजुषा स्पर्धा, घोषवाक्य स्पर्धा, व्हिडीओ मेकिंग स्पर्धा आणि पोस्टर डिझाईन स्पर्धांचा समावेश आहे.

 या स्पर्धेविषयी सविस्तर माहिती  https://ecisveep.nic.in/contest/ या संकेतस्थळावर उपलब्ध आहे. तसेच स्पर्धकांनी प्रवेशिका सर्व तपशिलांसह  yoter-contest@eci.gov.in या ईमेलवर 15 मार्च, 2022 पर्यंत पाठवाव्यात ई –मेल करतांना स्पर्धेचे नाव आणि श्रेणी याचा विषयात उल्लेख करावा.

 तरी जळगाव जिल्हयातील सर्व नागरिकांनी “ राष्ट्रीय मतदार जागृती स्पर्धा”  अंतर्गत विविध स्पर्धेमध्ये सहभागी व्हावे, असे आवाहन जिल्हाधिकारी तथा जिल्हा निवडणूक अधिकारी, जळगाव यांचे मार्फत एका प्रसिध्दी पत्रकान्वये करण्यात येत आहे.

००००