बिगर शिधापत्रिकाधारकांनी सेतू सुविधा केंद्रात 1 जुनपर्यंत नावनोंदणी करावी

             जळगाव, दि.28 (जिमाका) - राष्ट्रीय अन्न सुरक्षा योजनेत अथवा कोणत्याही राज्य योजनेत समाविष्ट नसलेल्या बिगर शिधापत्रिकाधारकांना माहे मे व जुन 2020 या दोन महिन्याच्या कालावधीकरीता प्रती व्यक्ती 5 किलो मोफत तांदुळ देण्यात येणार आहे.

            बिगर शिधापत्रिकाधारकांना मोफत तांदुळ वितरणाकरीता मजुरांच्या स्थलांतरासाठी केलेल्या नियोजनामधुन कामगार/मजुर इ. बिगर कार्डधारकांची स्थानिक यंत्रणा तसेच संबंधीत गावाचे तलाठी/ग्रामसेवक यांच्याकडे आधारकार्डासह सदस्यांची नावे द्यावी. तसेच शहरी भागातील मनपा हद्दीतील बिगर शिधापत्रिकाधारकांनी तहसिल कार्यालय आवारातील सेतू सुविधा केंद्रात 1 जुन, 2020 पर्यंत सकाळी 11 ते सायंकाळी 4 यावेळेत नाव नोंदणी करावी. असे तहसिलदार जळगाव यांनी एका प्रसिद्धी पत्रकान्वये कळविले आहे.

00000