अखिल भारतीय व्यवसाय परीक्षा अर्ज लॉकडाऊन उघडल्यानंतर जमा करावा

            जळगाव, (जिमाका) दि. 20 - शिकाऊ उमेदवारी अधिनियम 1961 अंतर्गत शिकाऊ उमेदवारांची 110 वी अखिल भारतीय व्यवसाय परीक्षा ही कोरोना विषाणूचा वाढता प्रादुर्भाव व त्याअनुषंगाने घोषित करण्यात आलेल्या लॉकडाऊनमुळे पुढे ढकलण्यात आली आहे.

            ज्या उमेदवारांचे प्रशिक्षण 15 एप्रिल-2020 पर्यंत पुर्ण झाले आहे. अशा सर्व उमेदवारांनी ऑनलाईन पध्दतीने परीक्षा फॉर्म भरावा व त्याची प्रिंट व परिक्षा फी, बीटीआरआय विभागात लॉकडाउन उघडल्यानंतर जमा करावी. असे अंशकालीन प्राचार्य, मुलभुत प्रशिक्षण तथा अनुषंगीक सूचना केंद्र, व्दारा शासकीय औद्योगिक प्रशिक्षण संस्था, जळगाव यांनी एका प्रसिध्दी पत्रकान्वये कळविले आहे.

                                                                            00000