जळगाव दि. 25:- पणन हंगाम 2019-20 (रब्बी) अंतर्गत खरेदी केलेले भरडधान्य ( ज्वारी व मका) सार्वजनिक वितरण व्यवस्थेअंतर्गत वाटप करण्याबाबत शासनाचे निर्देश आहेत. सदर भरडधान्य गव्हाचे परिमाण कमी करुन त्याच प्रमाणात भरडधान्य (ज्वारी व मका) वाटप करण्याच्या सुचना आहेत. माहे सप्टेंबर, 2020 च्या नियतनात भरडधान्य (ज्वारी व मका) प्राधान्य कुटुंब लाभार्थी योजना लाभार्थ्यांना वितरीत करण्यात येणार आहे.
त्यानुसार प्राधान्य कुटूंब योजना प्रति लाभार्थी गहू 1 कि.ग्रॅ. प्रती किलो 2 रुपये दराने, ज्वारी 1 कि.ग्रॅ. प्रती किलो 1 रुपये दराने, मका 1 कि.ग्रॅ. प्रती किलो 1 रुपये दराने व तांदुळ 2 कि. ग्रॅ. प्रती किलो 3 रुपये दराने प्रति सदस्य वितरीत करण्यात येणार आहे. सदर लाभार्थ्यांनी त्याचा लाभ घ्यावा. असे आवाहन अभिजित राऊत, जिल्हाधिकारी, जळगाव यांनी एक प्रसिद्धी पत्रकान्वये केले आहे.
00000
No comments:
Post a Comment