जळगाव, (जिमाका) दि. 20 - केंद्र पुरस्कृत राष्ट्रीय कृत्रिम रेतन कार्यक्रम फेज-2 चा शुभारंभ जिल्ह्यात 1 ऑगस्ट, 2020 रोजी करण्यात आला. ही योजना जिल्ह्यात 1 ऑगस्ट, 2020 ते 31 मे, 2021 या कालावधीत मोहिम स्वरुपात राबविण्यात येणार आहे. या कार्यक्रमाअंतर्गत देशी गायी, गावठी गाय, संकरीत गायी व म्हशींमध्ये अधिक दुध उत्पादन क्षमता असलेल्या उच्च वंशावळीच्या वळुच्या रेतमात्रा वापरुन कृत्रिम रेतन करण्यात येणार आहे.
या कार्यक्रमातंर्गत जिल्ह्यातील एकूण 500 गावांची निवड जिल्हाधिकारी यांचे मान्यतेने करण्यात आलेली आहे. या गावांमध्ये शासकीय संस्था, सहकारी दुध संघ, सेवाभावी संस्था यांचेकडील इन्सिमीनेटर तसेच खाजगी कृत्रिम रेतन करणा-या व्यक्ती इत्यादींमार्फत राष्ट्रीय कृत्रिम रेतन कार्यक्रम फेज-2 (NAIP-2) केंद्र शासनाच्या मार्गदर्शक सुचनांनुसार अंमलबजावणी करण्यात येणार आहे. असे जिल्हा पशुसंवर्धन अधिकारी, जिल्हा परिषद, जळगाव यांनी एका प्रसिध्दी पत्रकान्वये कळविले आहे.
00000
No comments:
Post a Comment