उन्हाळी हंगाम 2021-22 मधील हंगामी पिकासाठी पाणी अर्ज 30 जून पर्यंत सादर करावीत

          जळगांव, (जिमाका) दि. 16- कार्यकारी अभियंता, धुळे पाटबंधारे विभाग, धुळे यांचे अधिपत्याखालील धुळे जिल्ह्यातील पांझर, मालनगांव, जामखेडी, बुराई, कनोली, सोनवद, अक्कलपाडा, वाडीशेवाडी अनेर, करवंद, अमरावती, सुलवाडे बॅरेज मध्यम प्रकल्प असे एकूण 12 मध्यम प्रकल्प,  लघु 45 प्रकल्प, को.प. बंधारे 22 व वळण बंधारे 22 व वळण बंधारे 30 असे एकूण 109 प्रकल्प तसेच नंदूरबार जिल्ह्यातील , रंगावली , प्रकाशा, सारंगखेडा मध्यम प्रकल्प असे एकूण 3, लघु 33 प्रकल्प, को.प. बंधारे 6, वळण बंधारे 20 असे एकूण 62 तसेच धुळे व नंदूरबार, जिल्ह्यातील अधिसुचित नदी / नाले तसेच तापी नदी वरील उपसा सिंचन योजना यांच्या पाण्याचा फायदा घेणारे तमाम बागाईतदारांना दि. 1 मार्च, 2022  ते 30 जून, 2022 या कालावधी करीता 1 मार्च, 2022 पासून सुरु होणाऱ्या  उन्हाळी हंगाम 2021-22 मध्ये भुसार/अन्नधान्न्ये/चारा/डाळी/ कपाशी/भुईमुग व इतर हंगामी पिकांना पाण्याच्या उपलब्धतेनुसार पाणी अर्ज सादर करण्याची मंजुरी देण्याचे ठरले आहे.

तरी बागाईतदारांनी आपले नमुना नं. 7, 7 (अ), 7 (ब) चे पाणी अर्ज संबंधीत शाखा कार्यालयात किंवा उपविभागीय कार्यालयात दिनांक 15 एप्रिल, 2022 पर्यंत सादर करावेत असे आवाहन कार्यकारी अभियंता, धुळे पाटबंधारे विभाग, धुळे यांनी एका प्रसिध्दी पत्रकान्वये केले आहे.

00000