औद्योगिक प्रशिक्षण संस्था धरणगाव येथे ३० जून पर्यंत ऑनलाईन पद्धतीने प्रवेश अर्ज सादर करावे

         जळगाव, दि. १४  (जिमाका वृत्तसेवा) :-  सर्व नागरीकांना व युवकांना कळविण्यात येते की, व्यवसाय शिक्षण व प्रशिक्षण संचालनालयाच्या अधिपत्याखालील शासकीय आयटिआय धरणगाव जिल्हा जळगाव येथे केंद्रिय ऑनलाईन पध्दतीने प्रवेश प्रक्रिया २०२४ दिनांक ३ जून, २०२४ पासुन सुरु करण्यात आलेली असून इच्छुक उमेदवारांनी  https://admission.dvet.gov.in या संकेतस्थळावर भेट देवून ऑनलाईन पध्दतीने प्रवेश अर्ज भरवेत. सद अर्ज भरण्याची अंतिम दिनांक ३० जून, २०२४ सायंकाळी ५ वाजेपर्यंत आहे.

            शासकीय आयटिआय धरणगाव येथे प्रवेश साठी कोपा, इलेक्ट्रिशियन, फिटर, मेकॅनिक डिझेल, पंप ऑपरेटर कम मेकॅनिक, बेसिक कॉस्मोटोलॉजी, ड्रेस मेकिंग  हे व्यवसाय उपलब्ध आहे. अधिक माहिती साठी औद्योगिक प्रशिक्षण संस्था धरणगाव  येथे संपर्क साधावा, असे आवाहन प्राचार्य यांनी प्रसिध्दी पत्रकान्वये केले आहे.

000000000