महाराष्ट्र राज्य बाल हक्क संरक्षण आयोगाकडून 9 ऑगस्ट रोजी ३६ प्रकरणांवर सुनावणी करण्यात आली

           जळगाव दि. 9 ( जिमाका )-  महाराष्ट्र राज्य बाल हक्क संरक्षण आयोगाकडे प्राप्त तक्रारीच्या अनुषंगाने "बाल हक्क आयोग आपल्या दारी ऑगस्ट २०२४ रोजी आयोगामार्फत सकाळी १०:३० वाजता अल्पबचत सभागृह, जिल्हाधिकारी कार्यालय येथे आयोजन करण्यात आले होते.

            सदर सुनावणीसाठी महाराष्ट्र राज्य बाल हक्क संरक्षण आयोगाचे सदस्य सो. सायली दिपक पालखेडकर . सदस्य चैतन्य हरीश पुरंदरे, विधी सल्लागार प्रमोद बाडगो, शिक्षणाधिकारी श्रीमती माधवी भोसल श्रीमती. उज्वला होवाळ, कनिष्ठ काळजीवाहक अजय लोंढे, अतिरिक्त पोलिस अधीक्षक एसपी अशोक नखाते व बाल विकास अधिकारी विजयसिंग परदेशी आदी उपस्थित होते. सुनावणी चे आयोजन दि. ९ रोजी सकाळी १०.३० वाजता अल्पबचत सभागृह, जिल्हाधिकारी कार्यालय जळगांव येथे करण्यात आले होते. महाराष्ट्र राज्य  बाल हक्क संरक्षण आयोगाच्या सुनावणी दरम्यान ३६ प्रकरणांवर सुनावणी करण्यात आली आहे.

            सदर सुनावणीमध्ये RTE कायद्याशी संबंधित प्रकरणे, POSCO, बालमजुरी, बालविवाह आदी विषयांशी संबंधित प्रकरणांची सुनावणी पार पडली. सदर सुनावणीच्या माध्यमातून आयोगाने जळगांव, धुळे जिल्ह्यातील तक्रारदारांचे  म्हणणे सविस्तरपणे ऐकूण घेतले. तसेच त्या प्रकरणांमध्ये असमाधानकारक माहिती मिळाली त्याठिकाणी संबंधित प्रशासनाला योग्य ते निर्देश देवून  तक्रारदारांना  दिलासा देण्याचा  प्रयत्न केला. बाल हक्काशी व त्यांच्या अधिकाराच्या बाबतीत कोणतीही हयगय चालणार नाही ज्या ठिकाणी हलगर्जीपणा  आढळेल त्यांच्यावर उचित कार्यवाही करण्याचे निर्देश यावेळी आयोगाने दिले असे जिल्हा महिला व बाल विकास अधिकारी व्ही. आय परदेशी यांनी प्रसिध्दी पत्रकान्वये कळविले आहे.

00000000