नागरीकांच्या भेटीसाठी निवडणूक निरिक्षकांची वेळ निश्चित

       जळगाव, दि. 4 (जि.मा.का ) - भारत निवडणूक आयोगाने विधानसभा सार्वत्रिक निवडणूक-2019 भयमुक्त वातावरणात पार पडण्यासाठी जिल्ह्यातील विधानसभा मतदार संघनिहाय सर्वसाधारण निवडणूक निरीक्षकांची नियुक्ती केली आहे. नागरीकांची निवडणूकी संदर्भात काही तक्रार अथवा अडचण मांडावयाची असल्यास त्यांना निवडणूक निरीक्षकांना समक्ष भेटून मांडता येणार आहे. ज्या नागरीकांना निवडणूक निरिक्षकांकडे आपली अडचण अथवा तक्रार मांडावयाची असेल त्यांनी सकाळी 9.30 ते 10.30 या वेळेत अजिंठा शासकीय विश्रामगृह, जळगाव येथे भेटता येईल. असे डॉ. अविनाश ढाकणे, जिल्हाधिकारी तथा जिल्हा निवडणूक निर्णय अधिकारी, जळगाव यांनी कळविले आहे.
                                                                                                                                                                            विधानसभा मतदार संघनिहाय सर्वसाधारण निवडणूक निरिक्षकांची नावे व त्यांचे भ्रमणध्वनी क्रमांक अनुक्रमे असे आहेत. 10-चोपडा व 11-रावेरसाठी श्री. नरेंद्रसिंग पटेल, भ्रमणध्वनी-9423761579, 12-भूसावळ व 13-जळगाव शहरसाठी श्री. रुपक मुजूमदार, भ्रमणध्वनी- 9423701478, 14-जळगाव ग्रामीण व 15-अमळनेर श्री. पुनीत गोयल, भ्रमणध्वनी-9423694304, 16-एरंडोल व 17-चाळीसगावसाठी श्री. पार्थ सारथी मिश्रा, भ्रमणध्वनी-9423720873 आणि 18-पाचोरा, 19-जामनेर व 20-मुक्ताईनगरसाठी श्री. गौरव बोथरा, भ्रमणध्वनी-9423716372 असे आहेत.
                                                                                                                                                           नागरीकांनी निवडणूकी संदर्भात आपली तक्रार अथवा अडचण आपल्या मतदार संघासाठी नियुक्त करण्यात आलेल्या निवडणूक निरिक्षकांकडेच मांडावी. निवडणूकीसंबंधी अति महत्वाच्या कामासाठी निवडणूक निरिक्षक मतदार संघात असण्याची शक्यता असल्याने तशी खात्री नागरीकांनी अगोदर भ्रमणध्वनीवर करुन घेण्याचे आवाहनही डॉ. ढाकणे यांनी केले आहे.
                                                                            000