जिल्ह्यातील उमेदवारांची नांव नोंदणी सन 2013 पासून विभागाच्या www.mahaswayam.gov.in संकेतस्थळावर सुरु झाली आहे

        जळगाव (जिमाका वृत्तसेवा) दि. 16-   जिल्ह्यातील उमेदवारांची नांव नोंदणी सन 2013 पासून विभागाच्या  www.mahaswayam.gov.in  संकेतस्थळावर सुरु झालेली आहे. उमेदवार विभागांच्या संकेतस्थळावर जावून ऑनलाईन नांव नोंदणी करीतच आहेत. उमेदवारांनी ऑनलाईन नांव नोंदणी केल्यानंतर उमेदवारांना मिळालेल्या युझर आयडी व पासवर्डच्या अनुषंगाने विभागाच्या संकेतस्थळावर उपलब्ध असलेल्या सुविधांचा आणि माहितीचा उमेदवारांना लाभ घेता येतो.

          यांच अनुषंगाने अल्पसंख्यांक उमेदवाराना देखील रोजगार /स्वयंरोजगाराच्या संधी व सुविधाचा लाभ मिळणे करीता जास्तीत जास्त अल्पसंख्यांक उमेदवारानी ऑनलाईन नांव नोंदणी करणे अपेक्षीत आहे. कार्यालयात येणाऱ्या उमेदवारांना देखील नांव नोंदणी करण्याबाबत मार्गदर्शन व सहाय्य या कार्यालयाकडून करण्यात येते कोविड-19 च्या प्रादूर्भावामुळे सदयास्तीत रोजगाराच्या संधी पुरेशा प्रमाणात उपलब्ध होत नाहीत तथापी या कार्यालया मार्फत रोजगाराच्या संधी उपलब्ध करुन देण्यासाठी वेळोवेळी घेण्यांत येणाऱ्या ऑन लाईन रोजगार मेळाव्याचा लाभ घेण्यांत यावा, तसेच  अल्पसंख्याक उमेदवारानी देखील आयोजित करण्यात आलेल्या मेळाव्याचा लाभ घेण्यांचे आवाहन सहाय्यक आयुक्त वि.जा.मुकणे जिल्हा कौशल्य विकास रोजगार व उदयोजकता, मार्गदर्शक केंद्र जळगाव यांनी कळविले आहे. याबाबत काही अडचण असल्यास कार्यालयीन कामकाजाच्या दिवशी सकाळी 9.45 ते संध्या 6.15 या वेळेत कार्यालयाशी कार्यालयीन दुरध्वनी क्रमांक 0257-2959790 वर संपर्क साधावा, असे आवाहन सहाय्यक आयुक्त कौशल्य विकास रोजगार व उदयोजकता जळगाव यांनी एका प्रसिध्दी पत्रकान्वये कळविले आहे.

                                                     ०००००