23 एप्रिल रोजी मतदानासाठी सार्वजनिक सुट्टी जाहिर

          जळगाव, दि. 10:-  लोकसभा मतदार संघ 03 - जळगाव व 04 -रावेर मधील मतदारांना दिनांक 23 एप्रिल 2019 रोजी होणाऱ्या मतदानासाठी मतदान करता यावे म्हणून महाराष्ट्र शासनाने दिनांक 23  एप्रिल 2019 रोजी 03-जळगाव व 04-रावेर लोकसभा मतदार संघात सार्वजनिक सुट्टी जाहीर केली आहे.

            03-जळगाव व 04- रावेर मतदार संघाच्या क्षेत्रातील जे मतदार कामासाठी मतदार संघाच्या बाहेर असतील त्यांना देखील  सुट्टी लागु राहील. तसेच सदर सुट्टी राज्य शासन व केंद्र शासनाची कार्यालये, निमशासकीय कार्यालय, सार्वजनिक उपक्रम व इतर प्रतिष्ठाण यांना ही लागू राहील. असे  डॉ. अविनाश ढाकणे जिल्हाधिकारी तथा जिल्हा निवडणूक अधिकारी, जळगाव यांनी एका प्रसिद्धी पत्रकान्वये कळविले आहे.

000