23 एप्रिलचे आठवडे बाजार इतर सोईच्या दिवशी भरवावे जिल्हादंडाधिकारी डॉ. अविनाश ढाकणे

          जळगाव  दि.19 :-  लोकसभा सार्वत्रिक निवडणूक 2019 करीता जळगाव जिल्ह्यात 23 एप्रिल,2019 रोजी मतदान होणार आहे.

          जिल्हादंडाधिकारी डॉ. अविनाश ढाकणे यांना प्रदान करण्यात आलेल्या अधिकाराचा वापर करुन मतदानाचे दिवशी जळगाव शहर व जिल्ह्यात ज्या ठिकाणी आठवडे बाजार भरणार आहे. त्याठिकाणचे आठवडे बाजार इतर सोईच्या दिवशी भरविण्याचे आदेश त्यांनी काढले आहे.

          लोकसभा सार्वत्रिक निवडणूक निवडणूकीच्या मतदानाच्या दिवशी आठवडे बाजार भरणार असलेल्या गावांची/भागांची यादी खालील प्रमाणे नमुद करण्यात आली आहे.

          तालुका/नगरपरिषद आणि गावाचे नाव/भागाचे नाव :- चोपडा- घोडगाव, चुंचाळे, चाळीसगाव- तळेगाव, पाटणा, उंबरखेड, धरणगाव- नांदेड, एरंडोल- कासोदा, रवंजे बु., जामनरे- नेरी बु., जळगाव- विदगांव, मुक्ताईनगर- अंतुर्ली, बेलसवाडी, चिखली, पाचोरा- पिंपळगांव (हरेश्वर), बाळद, नांद्रा, रावेर- खिर्डी, पाल, चिनावल, यावल- किनगांव बु., नायगांव, बामणोद, वरणगाव नगरपरिषद- वरणगाव, जळगाव शहर- हरिविठ्ठल नगर, सुभाष चौक, बळीराम पेठ, सिंधी कॉलनी, रथ चौक, आणि विविध कॉलन्यांमध्ये भरणारे आठवडे बाजार इतर दिवशी भरविण्यात यावेत असेही डॉ. ढाकणे यांनी कळविले आहे.

00000