2 डिसेंबर रोजी लोकशाही दिनाचे आयोजन

      जळगाव, दि. 25 :- जनतेच्या तक्रारी व गाऱ्हाणी  सोडविण्यासाठी दर महिन्याच्या पहिल्या सोमवारी  जिल्हास्तरीय  लोकशाही दिनाचे आयोजन करण्यात येते. त्यानुसार माहे डिसेंबर  महिन्यातील पहिल्या सोमवारी, 2 डिसेंबर, 2019 रोजी  जिल्हास्तरीय लोकशाही दिनाचे आयोजन करण्यात आले आहे.

            जिल्हास्तरीय लोकशाही दिनात अर्ज सादर करू इच्छिणाऱ्या अर्जदारांनी न्यायप्रविष्ठ प्रकरणे वगळून आपले तक्रारी अर्ज सोमवार, दिनांक 2 डिसेंबर, 2019 रोजी दुपारी 3.00 वाजेपर्यंत नियोजन भवन, जिल्हाधिकारी कार्यालय आवार, जळगाव येथे आयोजित लोकशाही दिनात सादर करावेत. असे आवाहन निवासी उपजिल्हाधिकारी वामन कदम यांनी  एका प्रसिध्दी पत्रकान्वये केले आहे. 

000