माजी सैनिकांचा मेळावा संपन्न

           जळगाव, दि. 5 - जिल्ह्यातील सर्व माजी सैनिक, युध्द विधवा/ माजी सैनिक विधवा तसेच त्यांचे अवलंबित यांच्या विविध प्रकारच्या अडी-अडचणी सोडविण्यासाठी येथील माजी सैनिक सभागृहात माजी सैनिकांचा मेळावा संपन्न झाला.

            या मेळाव्यास ले. कमांडर मिनल मधु पाटील, जिल्हा सैनिक कल्याण अधिकारी, जळगाव यांनी पेन्शन, कॅंटीन सुविधा व इतर विविध बाबींवर माजी सैनिकांना मार्गदर्शन केले. तसेच माजी सैनिकांच्या विविध कल्याणकारी योजनांची विस्तारीत माहिती सुबेदार मेजर अनुरथ भिवा वाकडे (नि.) कल्याण संघटक यांनी दिली. व सर्वांच्या अडी-अडचणी ऐकूण घेवून त्याचे निराकरण केले. याप्रसंगी माजी कॅप्टन मोहन कुलकर्णी यांनीही सर्व उपस्थित माजी सैनिकांना संबोधित करुन आपली कामे जिल्हा सैनिक कल्याण कार्यालयाकडून नियमाप्रमाणे व विहित वेळेत करुन घेण्याचे आवाहन केले.

            यावेळी कर्नल पी. आर. सिंग, श्री. बी. आर. काळे, श्री विलास इंगळे, श्री. राजेंद्र कत्ते, श्री. शिवशंकर झाडोकर, जिल्हा सैनिक कल्याण कार्यालयाचे कर्मचारी व माजी सैनिक, युध्द विधवा/ माजी सैनिक विधवा तसेच त्यांचे अवलंबित मोठ्या संख्येने उपस्थित होते.

०००