जळगाव लोकसभा मतदार संघात दोन तर रावेर लोकसभा मतदार संघात एक उमेदवारी अर्ज दाखल

             

       

जळगाव, दि. 28 -लोकसभा निवडणूकीसाठी अर्ज सादर करण्याच्या पहिल्या दिवशी 03-जळगाव लोकसभा मतदार संघात दोन तर 04-रावेर लोकसभा मतदार संघासाठी एक उमेदवारी अर्ज दाखल झाले आहेत.

       03-जळगाव लोकसभा मतदार संघासाठी राष्ट्रवादी कॉग्रेस पार्टीकडून गुलाबराव देवकर यांनी दोन अर्ज निवडणूक निर्णय अधिकारी डॉ. अविनाश ढाकणे यांचेकडे दाखल केले. तर 04-रावेर लोकसभा मतदार संघासाठी भारतीय जनता पक्षाकडून श्रीमती रक्षाताई खडसे यांनी एक उमेदवारी अर्ज अपर जिल्हाधिकारी तथा रावेर लोकसभा मतदार संघाचे निवडणूक निर्णय अधिकारी गोरक्ष गाडीलकर यांचेकडे दाखल केला.

000