जिल्हाधिकाऱ्यांनी दिली अधिकारी कर्मचाऱ्यांना दहशतवाद व हिंसाचारविरोधी शपथ

 जळगाव, दि. 21 -  दहशतवाद व हिंसाचारविरोधी दिनानिमित्त जिल्हाधिकारी किशोर राजे निंबाळकर यांनी आज जिल्हाधिकारी कार्यालयात माजी पंतप्रधान राजीव गांधी यांच्या प्रतिमेस पुष्पहार अर्पण करून आदरांजली वाहिली. यावेळी श्री. निंबाळकर यांनी दहशतवाद व हिंसाचारविरोधातील शपथ दिली.

याप्रसंगी जिल्हा परिषदेचे अतिरिक्त मुख्य कार्यकारी अधिकारी संजय मस्कर, उपजिल्हाधिकारी (महसुल) अभिजीत भांडे पाटील, उपजिल्हाधिकारी (रोहयो) जितेंद्र पाटील यांचेसह जिल्हाधिकारी कार्यालय व इतर विविध विभागाचे अधिकारी तसेच कर्मचारी यावेळी उपस्थित होते.

यावेळी उपस्थित अधिकारी व कर्मचाऱ्यांनी दहशतवाद व हिंसाचार विरोधात लढण्याची व समाजात शांती, सामाजिक एकोपा, सामंजस्य टिकविण्याची व वर्धिष्णू करु. तसेच मानवी जिवीत मुल्य धोक्यात आणणाऱ्या विघटनकारी शक्तिंचा प्रतिकार करण्याची शपथ घेतली.

०००