विशेष गौरव पुरस्कारसाठी अर्ज करण्याचे आवाहन

        जळगाव, दि. 3 - विविध क्षेत्रात अति उत्कृष्ट कार्य करणा-या माजी सैनिक/पत्नी/पाल्य यांनी शैक्षणिक वर्ष 2017-18 या वर्षासाठी देश व राज्याची प्रतिष्ठा वाढवतील, अशा स्वरुपाचे लक्षणीय काम केलेले असेल त्यांना एकरकमी 10 हजार रुपये व आंतरराष्ट्रीय स्तरासाठी 25 हजार रुपयांचा “विशेष गौरव पुरस्कार” तसेच इयत्ता 10 वी 12 वी बोर्डाच्या परीक्षेत 90% पेक्षा जास्त गुण मिळवून उत्तीर्ण झालेल्या पाल्यांना “एअर मार्शल व्ही.ए.पाटकर विशेष गौरव पुरस्कार” सैनिक कल्याण विभाग, पुणे यांचे मार्फत दिला जातो.

            पात्र माजी सैनिक/पत्नी/पाल्य/ यांनी या संधीचा लाभ घ्यावा. दिनांक 10 सप्टेंबर, 2018 पर्यंत जिल्हा सैनिक कल्याण कार्यालय, जळगाव यांचेकडे अर्ज सादर करावा. असे आवाहन जिल्हा सैनिक कल्याण अधिकारी, जळगाव यांनी केले आहे.                           

०००