माजी सैनिकांच्या/विधवांच्या पाल्यांना पंतप्रधान शिष्यवृत्ती योजनेसाठी आवाहन

 जळगाव, दि. 3 - जिल्ह्यातील सर्व माजी सैनिक / माजी सैनिक विधवा यांना सुचित करण्यात येते की, त्यांच्या पाल्यांनी केंद्र सरकार (केंद्रिय सैनिक बोर्ड, नवी दिल्ली) यांचेमार्फत सन 2017-18 या शैक्षणिक वर्षामध्ये 60% किंवा त्यापेक्षा जास्त गुण मिळविलेले विद्यार्थी पात्र आहे. याबाबतची सर्व माहिती www.ksb.gov.in  या वेबसाईटवर उपलब्ध आहे.

 दिलेल्या वेबसाईवर जाऊन ऑनलाइन अर्ज भरुन त्याची प्रत व संलग्न कागदपत्र जिल्हा सैनिक कल्याण कार्यालय, जळगाव येथे 15 नोव्हेंबर, 2018 पुर्वी स्वत: आणून पडताळणी करुन घ्यावेत. विहित नमुन्यातील सुधारित अर्ज व माहितीपत्रक मिळणेकरिता किंवा जुनी शिष्यवृत्ती नूतनीकरण  (Renewal ) करणेकरिता केंद्रिय सैनिक बोर्ड, नवी दिल्ली यांच्या www.ksb.gov.in (Renewal of PMSS ) या वेबसाईटवर ऑनलाईन अर्ज सादर करावेत.

जिल्ह्यातील जास्तीत जास्त माजी सैनिक / माजी सैनिक विधवा यांच्या पाल्यांनी या संधीचा लाभ घ्यावा. असे आवाहन जिल्हा सैनिक कल्याण अधिकारी, जळगाव यांनी एका प्रसिध्दी पत्रकान्वये केले आहे.

                                                                     ०००