अनुसूचित जमातीच्या विद्यार्थ्यांनी मॅट्रीकेत्तर शिष्यवृत्तीसाठी ऑनलाईन अर्ज सादर करावेत

        जळगाव दि. 19- आदिवासी विकास विभागामार्फत राज्यातील अनुसूचित जमातीच्या विद्यार्थ्यांना भारत सरकार मॅट्रीकेत्तर शिष्यवृत्ती, शिक्षण फी, परिक्षा फी, योजनांची ई स्कॉलरशिप देण्यात येत आहे. याकरीता    https://etribal.maharashtra.gov या संकेत स्थळावर  ऑनलाईन अर्ज भरणे आवश्यक आहे. सन 2014-15 पासून सन 2017-18 करीता ऑनलाईन अर्ज भरणे बाकी असलेल्या विद्यार्थ्यासाठी ऑनलाईन अर्ज भरण्याकरीता 30 एप्रिल 2018 पर्यंत मुदतवाढ देण्यात येत आहे.

            जळगाव जिल्ह्यातील प्राचार्य यांनी ऑनलाईन अर्ज भरलेल्या शिष्यवृत्ती पात्र विद्यार्थ्यांचे सन 2017-18 तसेच मागील प्रलंबित शिष्यवृत्तीचे ऑनलाईन बी- स्टेटमेट प्रमाणित करुन 20 एप्रिल, 2018 पर्यंत सादर करावेत.

          शैक्षणिक वर्ष सन 2017-18 पासून भारत सरकार शिष्यवृत्ती योजनेसाठी शिष्यवृत्ती पात्र अनुसूचित जमातीच्या विद्यार्थ्यांनी आधारकार्ड काढून बॅकखात्यास आधारसंलग्न करावे. व ऑनलाईन प्रोफाईल मध्येही अद्यावत करावे. आधार नंबर ऑनलाईन अद्यावत होत नसेल किंवा उत्पन्नाविषयी सुधारणांसाठी  https:// goo.gl/forms/RBAfScNfV४०BmNK६२ या लिंक वर विचारलेली माहिती सादर करावी. याबाबत प्राचार्य यांनी आपल्या स्तरावरुन व्यापक स्वरुपात विद्यार्थ्यांमध्ये जनजागृती करावी तसेच महाविद्यालयाच्या नोटीस बोर्डवरही सुचना लावावी. याबाबतची सर्वस्वी जबाबदारी मुख्याध्यापक/प्राचार्य यांची राहील. असे प्रकल्प अधिकारी श्री. आर. बी. हिवाळे यांनी प्रसिध्दीपत्रकान्वये कळविले आहे.

०००