जामनेर व सावदा नगरपरिषद निवडणुकीसाठी आज स्थानिक सुट्टी जाहिर

          जळगाव, दि. 5 - राज्य निवडणूक आयोगाने जामनेर नगरपरिषदेचा प्रभाग क्रमांक 7 ब वगळून तसेच सावदा येथील प्रभाग क्रमांक 3 ब बाबत पोटनिवडणूक कार्यक्रम जाहिर केलेला आहे. या  निवडणूकीसाठी 6 एप्रिल, 2018 रोजी मतदान होणार आहे. शुक्रवार, 6 एप्रिल, 2018 हा कार्यालयीन कामकाजाचा दिवस असल्याने यादिवशी जामनेर नगरपरिषदेतील प्रभाग क्रमांक 7 वगळून उर्वरीत प्रभाग व सावदा येथील प्रभाग 3 ब या क्षेत्रात मतदानाकरीता जिल्हाधिकारी किशोर राजे निंबाळकर यांनी स्थानिक सुटी जाहिर केली आहे.

          तसेच जामनेर नगरपरिषदेच्या प्रभाग क्रमांक 7 ब मधील अध्यक्ष व सदस्य पदाच्या सार्वत्रिक निवडणूकीसाठी 11 एप्रिल, 2018 रोजी मतदान होणार असल्याने यादिवशी प्रभाग 7 ब या क्षेत्रासाठी सार्वजनिक सुटी जाहीर करण्यात येत असल्याचे जिल्हाधिकारी श्री. निंबाळकर यांनी प्रसिध्दी पत्रकान्वये कळविले आहे.

०००