किसान कल्याण तालुकास्तरीय कार्यशाळेचे आयोजन

          जळगाव,दि.27:- शेतकऱ्यांचे उत्पन्न दुप्पट करण्यासाठी 2 ते 15 मे या कालावधीत जिल्ह्यातील प्रत्येक तालुक्यात ‘‘किसान कल्याण कार्यशाळा’’ आयोजित करण्यात येत आहेत. जिल्हास्तरीय कार्यशाळा दि. 2 मे 2018 रोजी कृषी विज्ञान केंद्र मुमराबाद येथे सकाळी 10 वाजता आयोजित केली असून या कार्यशाळेस जिल्हा परिषदेच्या अध्यक्षा मा. ना. उज्वलाताई पाटील, जिल्हाधिकारी किशोरराजे निंबाळकर, जिल्हा परिषदेचे मुख्य कार्यकारी अधिकारी शिवाजीराव दिवेकर, समाज कल्याण सभापती श्री. प्रभाकर सोनवणे, खासदार ए. टी. पाटील, आमदार सुरेश भोळे, प्रा. चंद्रकांत सोनवणे आदि स्थानिक लोक प्रतिनिधी व प्रगतीशील शेतकरी उपस्थितीत राहणार असून पशुसंवर्धन, दुग्धव्यवसाय, मत्स्यव्यवसाय, कृषि सलग्न विभागातील विविध योजनांवर चर्चासत्र प्रदर्शन मार्गदर्शन सत्र आयोजित केले जाणार आहे. परिसरातील शेतकऱ्यांनी मोठ्या संख्येने सहभागी होवून यांचा लाभ घ्यावा असे आवाहन अधिक्षक कृषि अधिकारी श्री. विवेक सोनवणे यांनी एका प्रसिद्धी पत्रकाद्वारे केले आहे. 

०००