जवाहर नवोदय विद्यालय निवड चाचणी प्रवेशपत्र उपलब्ध

        जळगाव, दि. १३ - जवाहर नवोदय विद्यालयात इयत्ता ६ वीच्या प्रवेशासाठी जिल्ह्यातील प्रत्येक तालुका केंद्रावर शनिवार २१ एप्रिल, २०१८ रोजी परिक्षा होणार आहे. त्याकरिता ज्या विद्यार्थ्यांनी ऑनलाईन अर्ज केलेले आहेत. त्यांनी सेतू सुविधा केंद्रातून (सीएससी) आपले प्रवेशपत्र डाऊनलोड करावेत व ज्यांनी ऑफलाईन अर्ज केले आहेत. त्यांचे प्रवेशपत्र त्यांच्या मुख्याध्यापकांकडे गट शिक्षणाधिकारी यांचेमार्फत पाठविण्यात आले आहेत. असे नवोदय विद्यालयाचे  प्राचार्य श्री. वे नारायण राव यांनी  प्रसिध्दी पत्रकान्वये कळविले आहे.

         ज्या विद्यार्थी/पालकांना प्रवेशपत्रात त्रुटी किंवा चुकीची माहिती आहे. असे आढळल्यास त्यांनी त्यांच्या  मुख्याध्यापकांमार्फत नवोदय विद्यालयाच्या प्राचार्यांशी लवकरात लवकर संपर्क साधावा. संपर्ककासाठी मदत क्रमांक - ०२५८२/२२२१३२/७७९८३४९२७२/९४०४९००९१६ असे असल्याचे प्राचार्य श्री. वे नारायण राव यांनी कळविले आहे.

000