भुसावळ येथे 3 ऑक्टोबर पासून होणार ईलेक्ट्रॉनिक मतदान यंत्राची प्रथमस्तरीय तपासणी राजकीय पक्षांच्या प्रतिनिधींनी उपस्थित राहण्याचे जिल्हाधिकारी यांचे आवाहन

        जळगाव दि. 30 :- लोकसभा सार्वत्रिक निवडणूक-2019 साठी जळगाव जिल्ह्याकरिता प्राप्त झालेल्या इलेक्ट्रानिक मतदान यंत्रांची प्रथमस्तरीय तपासणी (First Level Checking) दिनांक 3 ऑक्टोबर, 2018 पासून तहसिल कार्यालय, भुसावळ येथील आवारात असलेल्या शासकीय धान्य गोदामामध्ये भारत इलेक्ट्रॉनिक लि. बेंगलोर येथील अभियंत्यांमार्फत करण्यात येणार आहे.

            भारत निवडणूक आयोगाच्या निर्देशानुसार ईलेक्ट्रॉनिक मतदान यंत्रांची प्रथमस्तरीय तपासणी (First Level Checking) करतेवेळी मान्यता प्राप्त राजकीय पक्षांच्या प्रतिनिधींना उपस्थित ठेवणेबाबत सुचित केलेले आहे. त्यानुसार जळगाव जिल्ह्यातील राष्ट्रीय स्तरावरील व राज्य स्तरावरील मान्यता प्राप्त राजकीय पक्षांचे प्रतिनिधी (जिल्हाध्यक्षांनी नियुक्त केलेले) यांनी इलेक्ट्रॉनिक मतदान यंत्रांची प्रथम स्तरीय तपासणी करीता (First Level Checking) तहसिल कार्यालय, भुसावळ येथील आवारात उपस्थित राहता येईल.

            गोदाम परिसरात कडेकोट पोलीस बंदोबस्त ठेवण्यात येणार असून गोदामात प्रवेश करणाऱ्या प्रत्येक व्यक्तीला मेटल डिटेक्टरच्या चाचणीस सामोरे जावे लागेल. तसेच गोदामात कुठल्याही प्रकारच्या ईलेक्ट्रॉनिक वस्तु घेऊन जाता येणार नाही. मतदान यंत्रांच्या प्रथमस्तरीय तपासणीचे व्हिडीओ शुटींग तसेच सी.सी.टी.व्ही. द्वारे चित्रण देखील केले जाणार असल्याची माहिती जिल्हाधिकारी व जिल्हा निवडणूक अधिकारी किशोर राजे निंबाळकर यांनी एका प्रसिद्धी पत्रकान्वये दिली आहे.

000

लोकशाही दिन पहिल्या सोमवार ऐवजी दुसऱ्या सोमवारी

            जळगाव, दि.30 :- दर  महिन्याच्या पहिल्या सोमवारी आयोजित करण्यात येणारा लोकशाही दिन या महिन्यात दुसऱ्या सोमवारी होणार आहे. 

            सोमवार, दिनांक 1 ऑक्टोबर, 2018 रोजी जिल्हा नियोजन विकास समितीची (DPDC) बैठक आयोजित करण्यात आली असल्याने सदरचा लोकशाही दिन हा सोमवार, दिनांक 8 ऑक्टोंबर,2018 रोजी दुपारी तीन वाजता  जिल्हाधिकारी कार्यालयातील नियोजन भवनात होणार आहे.

            ज्या नागरीकांच्या तक्रारी असतील त्यांनी आपल्या तक्रारी लेखी स्वरुपात घेऊन स्वत: उपस्थित राहून मांडाव्यात. असे आवाहन जिल्हाधिकारी किशोरराजे निंबाळकर यांनी केले आहे.                                              

०००

जिल्ह्याचे पालकमंत्री ना. श्री. चंद्रकांत पाटील यांचा जिल्हा दौरा

          जळगाव, दि. 30 :- राज्याचे महसूल, मदत व पुनर्वसन, सार्वजनिक बांधकाम मंत्री  तथा जिल्ह्याचे पालकमंत्री ना. श्री. चंद्रकांत पाटील हे जळगाव जिल्हा दौऱ्यावर येत आहेत त्यांचा दौरा कार्यक्रम पुढील प्रमाणे.

            सोमवार दि. 1 ऑक्टोबर, 2018 रोजी सकाळी 8.55 वा. महाराष्ट्र एक्सप्रेसने भुसावळ रेल्वे स्थानक येथे आगमन व शासकीय वाहनाने शासकीय विश्रामगृह भुसावळकडे प्रयाण. सकाळी 9.10 वा. शासकीय विश्रामगृह भुसावळ येथे आगमन व राखीव. सकाळी 10.00 वा. शासकीय विश्रामगृह भुसावळ येथून शासकीय वाहनाने फैजपूर ता. यावलकडे प्रयाण. सकाळी 10.30 वा. शेतीतील अर्थशास्त्र या विषयावरील चर्चासत्र व अटल महाकृषि शिबीर, कृषि प्रदर्शन उदघाटनास उपस्थित. (स्थळ :- जे.टी.महाजन अभियांत्रिकी महाविद्यालय, फैजपुर,ता.यावल, जि.जळगाव), दुपारी 1.00 वा. फैजपुर येथून शासकीय वाहनाने जळगावकडे प्रयाण. दुपारी 2.00 वा. गंधे सभागृह, सेंट ला. ना. सार्वजनिक विद्यालय, जळगाव येथे आगमन व जळगाव जिल्हा परिषद आयोजित जिल्हास्तरीय उत्कृष्ट शिक्षक पुरस्कार वितरण समारंभास उपस्थिती. दुपारी 2.50 वा. शासकीय वाहनाने जिल्हाधिकारी कार्यालय, जळगावकडे प्रयाण. दुपारी 3.00 वा. आगमन व सन 2018-19 करीता जळगाव जिल्ह्यातील पिण्याचे पाणी आरक्षित करणेबाबत बैठक. (स्थळ:- नियोजन भवन, जिल्हाधिकारी कार्यालय, जळगाव), दुपारी 3.30 वा. जळगाव जिल्हा नियोजन समितीची बैठक, (स्थळ :- नियोजन भवन, जिल्हाधिकारी कार्यालय, जळगाव), सायं. 5.15 वा. जिल्हाधिकारी कार्यालय, जळगाव येथून शासकीय वाहनाने मुसळी फाटा, ता. धरणगावकडे प्रयाण. सायं. 5.45 वा. मुसळी फाटा, ता. धरणगाव येथे आगमन व हायब्रीड ॲन्युएटीच्या कामाचे प्रातिनिधीक स्वरुपात भूमीपूजनास उपस्थिती. सायं 7.00 वा. मुसळी फाटा येथून शासकीय वाहनाने जळगावकडे प्रयाण. सायं. 7.30 वा. अजिंठा शासकीय विश्रामगृह, जळगाव येथे आगमन, राखीव व मुक्काम.

            मंगळवार दि. 2 ऑक्टोबर, 2018 रोजी सकाळी 8.00 वाजता. अजिंठा शासकीय विश्रामगृह, जळगाव येथून शासकीय वाहनाने शिवणा ता. सिल्लोड, जि.औरंगाबादकडे प्रयाण.

00000

अटल महाकृषी मेळाव्याचे १ ऑक्टोबरला न्हावी येथे आयोजन

             जळगाव दिनांक २९ :- प्रधानमंत्री नरेंद्र मोदी यांनी सन २०२२ पर्यंत शेतकऱ्यांचे उत्पन्न दुप्पट करण्याचे उद्दिष्ट निश्चित केले आहे. हे उद्दिष्ट साध्य करण्यासाठी   आमदार हरिभाऊ जावळे यांच्या पुढाकाराने प्रयत्न करण्यात येत असून त्यानिमित्त अटल महाकृषी मेळावा व शेतीतील अर्थशास्त्र या विषयावर चर्चासत्राचे आयोजन करण्यात आले आहे.

            यावल तालुक्यातील न्हावी येथील जे. टी. महाजन इंजिनिअरींग कॉलेजमध्ये १ ऑक्टोबर, 2018 रोजी सकाळी नऊ ते सायंकाळी पाच वाजेपर्यंत ‘अटल महाकृषी मेळावा’ आयोजित केला आहे.  या मेळाव्यास राज्याचे अर्थमंत्री सुधीर मुनगंटीवार, कृषी व महसूल मंत्री  तथा जळगाव जिल्ह्याचे पालकमंत्री चंद्रकांत पाटील, जलसंपदा व वैद्यकीय शिक्षणमंत्री गिरीश महाजन, सहकार राज्यमंत्री गुलाबराव पाटील, माजी मंत्री व आमदार एकनाथराव खडसे यांची प्रमुख उपस्थिती लाभणार आहे.

            या मेळाव्यात जिल्ह्यातील सुमारे २ हजार युवा शेतकरी सहभागी होणार असल्याची माहिती रावेर विधानसभा क्षेत्राचे आमदार हरिभाऊ जावळे यांनी एका प्रसिद्धी पत्रकाद्वारे दिली असून या कार्यक्रमासाठी  परिसरातील शेतकऱ्यांनी मोठ्या संख्येने उपस्थित रहावे असे आवाहन त्यांनी केले आहे.

0000

वैद्यकीय शिक्षणमंत्री ना. गिरीष महाजन यांचा जिल्हा दौरा

        जळगाव,दि.29:- राज्याचे वैद्यकीय शिक्षण, जलसंपदा व लाभक्षेत्र विकास मंत्री ना. गिरीष महाजन हे जिल्हा दौऱ्यावर येत आहेत. त्यांचा दौरा कार्यक्रम याप्रमाणे-

            दिनांक 1 ऑक्टोंबर 2018 रोजी सकाळी 7.50 वाजता मुंबई विमानतळ येथून शासकीय विमानाने जळगावकडे प्रयाण. सकाळी 9.00 वाजता जळगाव विमानतळ येथे आगमन व शासकीय वाहनाने फैजपूर ता.यावलकडे प्रयाण. सकाळी 10.00 वाजता फैजपूर येथे आगमन व अटल महाकृषी कार्यशाळा (शेतीतील अर्थकारण) या कार्यक्रमांस अध्यक्ष म्हणून उपस्थिती. दुपारी 12.00 वाजता फैजपुर येथून शासकीय वाहनाने जळगावकडे प्रयाण. दुपारी 1.15 वाजता अजिंठा शासकीय विश्रामगृह जळगाव येथे आगमन व राखीव. दुपारी 3.00 वाजता जिल्हा नियोजन समिती बैठक (मा. चंद्रकांत पाटील, महसूल मंत्री यांचे अध्यक्षतेखाली तसेच 2018-2019 करीता पिण्याच्या पाण्याचे आरक्षण बैठक. स्थळ: जिल्हा नियोजन भवन, जिल्हाधिकारी कार्यालय परिसर,जळगाव), दुपारी 4.00 वाजता बांबु शेती कार्यशाळेस प्रमुख उपस्थिती (स्थळ :- छत्रपती संभाजी राजे नाट्यगृह, जळगाव) सोईनुसार शासकीय वाहनाने जामनेर जि.जळगावकडे प्रयाण. सोईनुसार जामनेर जि.जळगाव आगमन व राखीव.

                                                                    0000