वजन मापे तातडीने पडताळणी करुन घ्यावी

     जळगाव, दि. 27- वैधमापन शास्त्र यंत्रणेकडुन वजने मापे यांची विहीत मुदतीत फेरतपासणी व मुद्रांकन करुन न घेणा-या उपयोगकर्त्यांवर विशेष मोहीम राबवुन कायदेशिर कार्यवाही करण्यात येणार आहे. त्या करिता वजने मापे उपयोगकर्ता यांनी त्यांचे जवळील सर्व वजने व मापे यांची फेरतपासणी व मुद्रांकन दिनांक 30 सप्टेंबर 2018 चे आत करुन घ्यावी व पुढील कायदेशीर कार्यवाही टाळावी असे आवाहन सहाय्यक नियंत्रण, वैधमापन शास्त्र, जळगाव जिल्हा यांनी केले आहे.

वजने मापे उपयोगकर्ता यांनी त्यांचेकडील वजने व मापे यांचे पडताळणी व मुद्रांकनासाठी जवळचे निरीक्षक, वैधमापन शास्त्र यांचे कार्यालय अथवा शिबीर कार्यालयाशी संपर्क करावा असे सहाय्यक नियंत्रक, वैधमापन शास्त्र जळगाव यांनी एका प्रसिध्दी पत्रकान्वये कळविले आहे.

०००