जिल्हास्तर व राज्यस्तर युवा पुरस्कार 2017 करीता 8 डिसेंबर पर्यंत अर्ज सादर करण्याचे आवाहन

        जळगाव, दि. 30 – राज्यातील व जिल्ह्यातील युवांनी केलेल्या समाजहिताच्या कार्याचा गौरव व्हावा. युवा विकासाचे कार्य करण्यासाठी त्यांना प्रोत्साहन मिळावे, यासाठी शासनामार्फत एक युवक, एक युवती व एक नोंदणीकृत संस्था यांना राज्य व जिल्हास्तरावर युवा पुरस्कार देण्यात येतो. सन 2017-18 या वर्षापासून जिल्हास्तर व राज्यस्तर युवा पुरस्कारांकरिता ऑनलाईन अर्ज मागविण्यात येत असून अर्ज करण्याची अंतिम तारीख 8 डिसेंबर 2017 पर्यंत आहे. अशी माहिती जिल्हा क्रीडा अधिकारी सुनंदा पाटील यांनी दिली आहे.
      अर्जदाराने प्रस्तावाची हार्ड कॉफी कार्यालयात 12 डिसेंबर 2017 पर्यंत जमा करावी. ऑनलाईन अर्ज भरण्यासाठी Jalgaonsports.in या वेबसाईटचा उपयोग करावा. ऑनलाईन अर्ज भरण्याच्या अधिक माहितीसाठी श्री. सजय महिरे, मो.नं. 8552858001, श्री. अमित मनोरे मो. नं. 9175330285, सौ. रेखा पाटील, मो.नं. 9421693471 यांचेशी संपर्क साधावा.
      जिल्हा व राज्य पुरस्काराकरिता अर्जदार युवक, युवतीचे वय पुरस्कार वर्षातील 1 एप्रिल रोजी 13 वर्ष पूर्ण व 31 मार्च रोजी 35 वर्षापर्यंत असावे. या पुरस्कारांसाठी अर्ज करणा-या युवक,युवती व युवा विकासाचे कार्य करणा-या संस्थांनी 1 एप्रिल ते 31 मार्च या कालावधीत गत तीन वर्षाची केलेली कामगिरी विचारात घेतली जाईल.
     विहीत नमुन्यातील अर्ज, पुरस्काराच्या अटी व शर्ती व इतर माहितीसाठी इच्छुकांनी व्यक्तीश: जिल्हा क्रीडा अधिकारी कार्यालय, ए. विंग, श्री. छत्रपती शिवाजी महाराज जिल्हा क्रीडा संकुल, स्टेटबँक ऑफ इंडिया समोर, जळगाव येथे कार्यालयीन वेळेत संपर्क साधावा. असे जिल्हा क्रीडा अधिकारी, सुनंदा पाटील यांनी एका प्रसिध्दी पत्रकान्वये कळविले आहे.
                                                                      ०००००