जिल्हास्तर क्रीडा पुरस्कार 2017 करीता 8 डिसेंबर पर्यंत अर्ज सादर करण्याचे आवाहन

       जळगाव, दि. 30 - क्रीडा व युवक सेवा संचालनालयातर्फे जिल्हयातील उत्कृष्ठ क्रीडापटू, उत्कृष्ठ दिव्यांग खेळाडू, गुणवंत क्रीडा मार्गदर्शक व गुणवंत क्रीडा कार्यकर्ता यांच्या कार्याचे, योगदानाचे मुल्यमापन व्हावे. त्यांचा गौरव व्हावा होऊन क्रीडा क्षेत्रास प्रोत्साहन मिळावे. या उद्देशाने गुणवंत क्रीडा मार्गदर्शक, क्रीडा संघटक, कार्यकर्ता आणि गुणवंत खेळाडू या नावाने जिल्हास्तरीय क्रीडा पुरस्कार देण्यात येतात. सन 2017 च्या पुरस्कारासाठी  जिल्हा क्रीडा कार्यालय, जळगांव यांचेमार्फत 8 डिसेंबर 2017 पर्यंत अर्ज मागविण्यात येत आहेत. अशी माहिती श्रीमती सुनंदा पाटील, जिल्हा क्रीडा अधिकारी यांनी दिली आहे.

            या पुरस्काराचे स्वरुप प्रमाणपत्र, स्मृतिचिन्ह आणि रोख दहा हजार रुपये असे आहे. या पुरस्कारासाठी 30 जून, 2017 पर्यंतची कामगिरी व कार्य ग्राहय धरले जाणार आहे. पुरस्काराकरीता 8 डिसेंबर 2017 पर्यंत ऑनलाईन अर्ज करणे आवश्यक आहे. अर्जदाराने प्रस्तावाची हार्ड कॉफी कार्यालयात 12 डिसेंबर 2017 जमा करणे आवश्यक आहे. ऑनलाईन अर्ज भरण्याच्या अधिक माहितीसाठी श्री. सजय महिरे, मो. नं. 8552858001, श्री. अमित मनोरे, मो. नं. 9175330285, सौ. रेखा पाटील, मो.नं. 9421693471 यांचेशी संपर्क साधावा. ऑनलाईन अर्ज भरण्यासाठी Jalgaonsports.in या वेब साईटवर जावून ऑनलाईन अर्ज भरुन संपूर्ण कागदपत्रे अपलोड करावे. त्यानंतर सर्व कागदपत्रासह अर्जाची हार्डप्रत जिल्हा क्रीडा कार्यालयात जमा करावी. असे जिल्हा क्रीडा अधिकारी श्रीमती पाटील यांनी एका प्रसिध्दी पत्रकान्वये कळविले आहे.

०००००