जिल्हास्तरीय बाल महोत्सवाचे बक्षिस वितरण संपन्न

         जळगाव, दि. 30 - बाल विकास क्षेत्रात कार्यरत असलेल्या शासकीय, स्वयंसेवी संस्थांमध्ये पुनर्वसनासाठी दाखल झालेल्या अनाथ, निराधार, उन्मार्गी मुलांसाठी विविध खेळ, वक्तृत्व स्पर्धा, निबंध स्पर्धा, सांस्कृतिक कार्यक्रम घेण्यात आले. या महोत्सवाचा बक्षिस वितरण समारंभ जिल्हा क्रीडा संकुल, जळगाव येथे श्री. राजेंद्र पाटील, बाल विकास प्रकल्प अधिकारी, चोपडा यांचे प्रमुख उपस्थितीत संपन्न झाला.         जिल्ह्यातील विविध बालगृहातील व शहरातील शाळांमधील विजेत्या मुला-मुलींना प्रथम, व्दितीय व तृतीय तसेच इतर मुला-मुलींना उत्तेजनार्थ पारितोषिके देण्यात आली. या कार्यक्रमास प्रविण पाटील, इक्बाल मिर्झा, दिपाली देवरे, आसिफ पठाण, अक्षय सोनवणे, राहुल पाटील, श्रीमती हर्षाली पाटील, जिल्हा महिला व बालविकास अधिकारी रमेश काटकर, श्री. गजानन देशमुख, आरती साळुंखे तसेच शासकीय व स्वयंसेवी संस्थांचे अधिक्षक व कर्मचारी वृंद, कार्यालयातील अधिकारी व कर्मचारी उपस्थित होते.

            या कार्यक्रमाचे प्रास्ताविक श्री. रमेश काटकर, जिल्हा महिला व बालविकास अधिकारी यांनी केले. कार्यक्रमाचे सूत्रसंचलन परिवीक्षा अधिकारी श्रीमती जयश्री पाटील यांनी केले. तर आभारप्रदर्शन परिवीक्षा अधिकारी श्रीमती सारीका मेतकर पाटील यांनी केले.

            या कार्यक्रमासाठी जिल्हा परिवीक्षा अधिकारी एस.आर.पाटील यांच्या मार्गदर्शनाखाली संध्या वानखेडे, शोभा हंडोरे, विद्या सोनार, साजिद पठाण, डॉ. विजय पाटील यांचेसह कार्यालयातील श्री. प्रदिप ससाणे, श्री. संजय चव्हाण, श्री. नितीन विसपुते यांचे सहकार्य लाभले.

०००००