दहावी व बारावी परीक्षेच्या कालावधीत परीक्षा केंद्राच्या परिसरात कलम 144 (1) (2) लागू

      जळगाव, दि. 31- महाराष्ट्र राज्य माध्यमिक शिक्षण मंडळ, पुणे यांचेमार्फत 21 फेब्रुवारी, ते 20 मार्च, 2019 या कालावधीत उच्च माध्यमिक प्रमाणपत्र परिक्षा (इ. 12 वी) व दिनांक 1 मार्च ते 22 मार्च, 2019 या कालावधीत माध्यमिक शालांत परीक्षा (इयत्ता 10 वी) घेण्यात येणार आहे.

            या परीक्षा केंद्राचे ठिकाणी गैरप्रकार होऊ नये व त्याठिकाणी शांतता व सुव्यवस्थेस बाधा निर्माण होऊ नये. यासाठी खबरदारीचे उपाय म्हणून जिल्हादंडाधिकारी किशोर राजे निंबाळकर यांनी फौजदारी प्रक्रिया संहिता 1973 चे कलम 144 (1) (2) खाली प्रदान करण्यात आलेल्या अधिकारानुसार दिनांक 21 फेबुवारी ते 22 मार्च, 2019 पर्यंत आदेश जारी करण्यात आले आहे.

            तसेच सर्व परिक्षा केंद्राचे 100 मीटर परिसरात कोणीही प्रवेश करु नये. हा आदेश परिक्षार्थी, नियुक्त कर्मचारी, अधिकारी, पोलीस, होमगार्ड यांचेसाठी लागू होणार नाही. त्याचबरोबर परीक्षा केंद्राजवळच्या 100 मीटर परिसरातील सर्व सार्वजनिक टेलीफोन, एस.टी.डी. आय.एस.डी., फॅक्स केंद्र, झेरॉक्स दुकाने, कॉप्युटर दुकाने व ध्वनीक्षेपक पेपर सुरु असलेल्या कालावधीत बंद ठेवण्यात यावे. असेही जिल्हादंडाधिकारी श्री. निंबाळकर यांनी आदेश दिले आहे.

                                                                        ०००