हमी भावाने उडीद, मूग खरेदीसाठी शेतकऱ्यांनी ऑनलाईन पध्दतीने नोंदणी करण्याचे आवाहन

            जळगाव-दि.10- शासकीय हमी भावाने उडीद, मूग खरेदीसाठी ऑनलाईन पध्दतीने शेतकरी नोंदणी  करण्याचे आवाहन जिल्हा मार्केटींग अधिकारी यांनी केले आहे.

            जिल्ह्यात नाफेड अंतर्गत्‍ उडीद व मुगाची  खरेदी जळगाव तालुका शेतकरी सहकारी संघ, जळगाव, अमळनेर तालुका शेतकरी सहाकरी संघ, अमळनेर व पाचोरा तालुका शेतकरी सहकारी संघ, पाचोरा या ठिकाणी सुरु करण्यात आलेली आहे. शेतकरी बांधवांनी FAQ प्रतीचा उडीद व मूग विक्री करण्यासाठी याठिकाणी संपर्क साधावा.

            ऑनलाईन नोंदणी करण्यासाठी शेतकऱ्यांनी आपल्या नावाचा 7/12 चा पिकपेरा लावलेला उतारा, बँकेच्या पासबुकची झेरॉक्स (ऑनलाईन खाते असलेला) व आधारकार्ड आणि मोबाईल नंबर इत्यादी माहिती घेऊन नोंदणी करावी. उडीद व मूगाचे खरेदीस मंजुरी आल्यानंतर शेतकऱ्यांना आपला उडीद, मूग खरेदी केंद्रावर विक्रीसाठी आणण्याबाबत कळविण्यात येणार असल्याचे जिल्हा मार्केटिंग अधिकारी, जळगाव यांनी एका प्रसिध्दी पत्रकान्वये कळविले आहे.

०००००