डिजीटल श्रवणयंत्र मोजमाप शिबीराचे 9 ऑक्टोबरला जळगावत आयोजन

         जळगाव, दि.6:- यशवंतराव चव्हाण मुंबई अपंग हक्क विकास मंच, स्टार्की फाउंडेशन अमेरीका व स्थानिक संस्थांच्या मदतीने मागील पाच वर्षापासून महाराष्ट्र राज्याच्या विविध विभागामधील जिल्हयातील ग्रामीण भागातील विशेषशाळा मधील 0 ते 30 या वयोगटातील कर्णबधिर मुलांना अत्याधुनिक डिजिटल श्रवणयंत्र बसविण्याचा मोजमाप शिबीराचे आयोजित  केल जाते.  जळगाव येथे मंगळवार दिनांक 9 ऑक्टोबर रोजी मोजमाप शिबीराचे आयोजन केले आहे.  साधारणत: एका लाभार्थ्यास दोन कानाचे दोन यंत्र व सहाय्यक साधने असे 25000/- रुपयाचे यंत्र बसविण्यात येतात. आजपर्यंत या उपक्रमात 15000 हजार लाभार्थ्यांना लाभ देण्यात आला आहे. यंत्र बसविल्या नंतर त्या मुलाची भाषा, वाच विकासाचा व विविध पातळीवरील विकासाचा आढावा देखील घेण्यात येतो.

           तरी सामान्य व विशेष शाळामधील कर्णबधिर विदयार्थ्याना या सुवर्णसंधीचा जास्तीत जास्त लाभ मिळावा या हेतुने नोंदणीसाठी  apanghakka@gmail.com लाभ या ईमेलवर तात्काळ पाठवावे. आवश्यक कागदपत्रे – विदयार्थी आधारकार्ड / अपंग वैदयकीय दाखला/ ऑडीओग्राफ असल्यास डिजीटल श्रवणयंत्र मोजमाप शिबीराचे ठिकाण - अपंग सेवा मंडळ मुकबधिर विदयालय, नवी पेठ नटवर टॉकीज मागे जळगाव. संपर्क क्रमांक 8805443082/9822961109

शिबीराची वेळ – सकाळी 10 ते 4 वाजेपर्यंत सदर शिबीराचा लाभ सर्वानी घेणे बाबत जिल्हा समाज कल्याण अधिकारी डॉ. अनिता राठोड, जिल्हा परिषद जळगाव  यांनी एका प्रसिध्दी पत्रकान्वये कळविले आहे.

०००